9دسمبر71ء؛ جب پاکستانی آبدوزکے حملے میں بھارتی بحریہ کے 18افسران اور 176سیلرز مارے گئے
کراچی: پاک بحریہ کی آبدوزہنگور نے 1971ء پاک بھارت جنگ میں آج ہی کے روز (9دسمبر)کو بھارتی آبدوز شکن بحری جہازآئی این ایس ککری کو تارپیڈوحملے میں سمندر میں غرقاب جبکہ آئی این ایس کرپان کو نقصان سے دوچار کر دیا تھا۔
پاک بحریہ کے سن65ء کی جنگ میں کامیاب مشن آپریشن ”دواکا“ کا تسلسل سن 1971ء کی پاک بھارت جنگ میں بھی نمایاں رہا۔71ء کی جنگ میں پاکستانی سرفروشوں کے دشمن ملک کی افواج سے بیک وقت بری، فضائی اور بحری معرکے ہوئے۔
9دسمبرکو دشمنوں کو کاری ضرب لگانے کے بعد13دسمبر کو مشن کی تکمیل کے بعد وطن واپس لوٹی۔ بھارتی بحری جہاز ککری کا سمندر میں ُُٓٓپاک بحریہ کے ہاتھوں غرقاب صرف ایک جنگی جہاز کی تباہی نہیں تھی بلکہ یس کے باعث بھارتی بحریہ کا مورال اور ناپاک عزائم دونوں خاک میں مل گئے تھے۔ عظیم خدمات کے اعتراف میں انہیں 4ستارہ جرأت، 6 تمغہ جرأت اور 14امتیازی اسناد عطاکی گیئں جو پاک بحریہ کے کسی بھی یونٹ کو دیئے جانے والے اعزازات کی سب سے بڑی تعداد ہے۔