اسلام آباد: چین پاکستان اقتصادی راہداری (سی پیک) کے تحت چینی تجارتی ادارے آئندہ پانچ سال میں پاکستان کے خصوصی اقتصادی علاقوں میں پانچ ارب ڈالر کی سرمایہ کاری کریں گے۔حکومتِ پاکستان کی جانب سے تجارت کے فروغ کے لئے موزوں اور دوستانہ ماحول فراہم کرنے کے اقدامات کو قابلِ ستائش قراردیا ہے سی پیک اتھارٹی کے حکام کے مطابق پاکستان کے خصوصی اقتصادی علاقے فیصل آباد اسٹیٹ ڈویلپمنٹ اینڈ منیجمنٹ کمپنی(فیڈمک) میں چینی تجارتی اداروں اور صنعتوں کے لیے تجارت اور سرمایہ کاری کی نئی راہ ہموار ہوئی ہے۔ چینی کمپنیاں آئندہ پانچ سال میں پاکستان کے مختلف شعبوں میں پانچ ارب ڈالر کی سرمایہ کاری کی پیشکش کر رہی ہیں۔حکومتِ پاکستان کی جانب سے تجارت کے فروغ کے لئے موزوں اور دوستانہ ماحول فراہم کرنے کے اقدامات کو قابلِ ستائش قرار دیتے ہوئے پاکستان کے چھوٹے اور درمیانے انٹرپرائزز میں سرمایہ کاری کے عزم کا اظہارکیا ہے۔