نوشہرہ میں بم کو ناکارہ بناتے ہوئے دھماکا، اٹھ اہلکاروں سمیت نو افراد زخمی
پشاور: خیبر پختونخوا کے ضلع نوشہرہ میں بم کو ناکارہ بناتے ہوئے دھماکا ہوگیا جس کے نتیجے میں اٹھ اہلکاروں سمیت نوافراد زخمی ہوگئے۔بیشتر زخمیوں کی حالت خطرے سے باہر ہے۔ نوشہرہ کے علاقے اضاخیل پایان حسن گھڑی میں پولیس کو بم کی موجودگی کی اطلاع ملی جس پر پولیس موقع پر پہنچی اور بم ڈسپوزل اسکواڈ (بی ڈی ایس) کو طلب کیا۔بارودی مواد ناکارہ بنانے کے دوران پھٹ گیا جس کے نتیجے میں نو افراد زخمی ہوگئے جن میں اٹھ پولیس اور بی ڈی ایس اہلکار جبکہ ایک عام شہری شامل ہے۔تمام زخمیوں کو ایل آر ایچ اسپتال منتقل کردیا گیا ہے جہاں بیشتر زخمیوں کی حالت خطرے سے باہر بتائی جاتی ہے۔ڈی پی او نوشہرہ اور پولیس کی بھاری نفری موقع پر پہنچ گئی اور مشتبہ افراد کی تلاش کیلیے علاقے میں سرچ آپریشن بھی کیا گیا۔